Астана Клуб туралы
Astana Club бұл жыл сайын көрнекті әлемдік саяси қайраткерлер, дипломаттар, сондай-ақ АҚШ, Ресей, Қытай, Еуропа, Таяу Шығыс және Азия елдерінің жетекші талдау орталықтарының ірі сарапшылары жиналатын халықаралық пікірталас алаңы.
Клуб алаңында Еуразия аймағының даму контурын қалыптастыратын негізгі трендтер талқыланады. Олардың қатарында әлемдік және өңірлік державалардың бәсекелестігі, әскери-саяси шиеленістің, сауда және санкциялық қарама-қайшылықтардың күшеюі, көші-қон, экология және технологиялық даму мәселелері бар.
Жыл сайын Astana Club отырыстарына әлемнің 30-дан астам елінен 50 көрнекті әлемдік спикерлер, оның ішінде мемлекет және үкімет басшылары, Сыртқы істер министрлері, бизнес көшбасшылары мен бас орталықтарының жетекшілері қатысады.
Astana Club отырыстарының бір бөлігі сараптамалық пікірлердің анонимділігі сақталған кезде "Chatham house" ережесі бойынша өтеді. Бұл қағида ашық және сенімді кәсіби диалог құруға ықпал етеді.
2015 жылы құрылған сәттен бастап Astana Club жоғары деңгейдегі жаһандық пікірталастар үшін маңызды диалог алаңына айналды.
Клубтың хедлайнерлері келесідей көрнекті спикерлер болды:
  • Абдулла ГЮЛЬ

    Түркия Президенті (2007-2014)

  • САПАТЕРО Хосе Луис

    Испания Премьер-министрі (2004-2011)

  • КАРЗАЙ Хамид

    Ауғанстан Ислам Республикасының Президенті (2004-2014)

  • ЛЕТЕРМ Ив

    Бельгия Премьер-министрі (2008, 2009-2011)

  • ТЮРК Данило

    Мадрид клубының президенті, Словения Президенті (2007-2012)

  • Нино БУРДЖАНАДЗЕ

    "Біртұтас Грузия-Демократиялық қозғалыс" партиясының Төрағасы, Грузия президентінің м. а. (2003-2004, 2007-2008)

  • ФРЕНКЕЛЬ Джейкоб

    «JP Morgan Chase International» директорлар кеңесінің төрағасы (2009-2020), Израиль Банкінің төрағасы (1991-2000)

  • ЛЮТТВАК Эдвард

    Стратегиялық және халықаралық зерттеулер орталығының (CSIS) аға кеңесшісі

  • Джонатан ГРАНОФФ

    Жаһандық қауіпсіздік институтының президенті

  • ИНОЗЕМЦЕВ Владислав

    Постиндустриалды қоғамды зерттеу орталығының директоры

  • ЯН Чэн

    Шанхай жаһандық басқару және аймақтық зерттеулер академиясының (SAGGAS) басшысы, Шанхай халықаралық зерттеулер университетінің профессоры

  • ЛИНДСИ Джеймс

    Халықаралық қатынастар кеңесінің (CFR) аға вице-президенті

  • Дэн СМИТ

    Стокгольм халықаралық бейбітшілікті зерттеу институтының (SIPRI) директоры

  • КУМАР Кришна

    Чикаго университетінің Ұлттық пікірді зерттеу орталығының (NORC) атқарушы вице-президенті

  • ФЕЙГЕНБАУМ Эван

    Халықаралық бейбітшілік үшін Карнеги қорының зерттеу жөніндегі вице-президенті, АҚШ Мемлекеттік хатшысының көмекшісінің орынбасары (2006-2009)

Made on
Tilda